Saturday, December 11, 2010

നിദ്ര




സ്വപ്നങ്ങളെല്ലാം നിനക്കായി തന്നിട്ട്

നിദ്രയെ പുല്കാതിരുന്നലതെങ്ങനെ ?

മുറിവുകള്‍ നീറി നിണം പൊടിഞ്ഞിടുമ്പോള്‍
നിദ്രയതെന്നെ പുല്കുവതെങ്ങനെ ?

അറ നാലതെന്നാലും അതിലെന്നും നീ മാത്രം
അറിഞ്ഞിട്ടുമറിയാതെ പോകുവതെങ്ങു നീ ?
കദനം നിറയുമ്പോള്‍ കരളില്‍ കുറിക്കുമീ-
ക്കവിതയില്‍ ചോര പൊടിയുവതു കാണാതെ

നിശബ്ദമെന്‍ കനവില്‍ നീയിരുന്നീടുമ്പോള്‍
നിശകളില്‍ നീളെ നിരാശയുമായിന്നു ഞാന്‍
ഈ നീല രാവുകള്‍ നിദ്രാ വിഹീനങ്ങള്‍
നെരിപ്പോടിലെരിയുന്നതെന്നാന്ത്മ ഹര്‍ഷങ്ങള്‍

മുറിവുകള്‍ മുറിവുകളായി നിന്നീടുമ്പോള്‍
മയങ്ങുവതെന്നത് മരീചികയല്ലയോ !
മതി ഇനി എനിക്കിത് വയ്യ സഖി
മതിയാവോളമിനിയൊന്നു മയങ്ങണം

നിത്യമാം നിദ്രയാം മൃത്യുവിലിന്നു ഞാന്‍
സ്വചന്ദമാമോദമോടെ പൂണ്ടീടട്ടെ
നീര്‍മുത്ത് കൊണ്ടെന്നെ നീയുണര്‍ത്തീടല്ലേ
നിദ്രയിലെങ്കിലും നിന്നെ ഞാന്‍ തേടട്ടെ
If you cant read malayalam Click Here to download malayalam font, then open the downloaded file and press the done button on that
വെറുതെ നിനച്ചതും കനവായി കണ്ടതും കരളിന്റെ നോവുകളെന്നുമെന്നും കരളേ നീ ഇല്ലാതെ കനവുകളില്ലാതെ കഴിവതീയൂഴിയില്‍ എങ്ങനെ ഞാന്‍